Arratsaldean jolasa izan zen nagusi; Saint Mairie ikastetxeko ikasleek gidari eta gonbidatzaile bikainak izan ziren, eta gazteek izugarri gozatu zituzten flashmob-a, tradiziozko jokuak, eta Donibane Lohitzunen barrena egin zituzten bisitaldiak.

Oinarritzat hartuta garapen iraunkorra lortzeko ezinbestekoa dela ingurumeneko kontzientziazioa eta funtzesko tresna bat dela heziketa gizarte kontzientziatua lortzeko, Donostia-Baiona Euskal Eurohiriak antolatzen du, 2005.etik aurrera, adierazi dugun eskola trukaketa. Izan ere, gazteen lana oso garrantzitsua da Eurohiria eraikitzeko eta oraindik bizirik dagoen “buruko muga” puskatzeko.

Eskola trukaketaren helburu nagusiak hauek dira:

• Gure bizi-estiloarekin zerikusia duten ingurumen-arazoen gaineko sentsibilitatea handitzea eta ingurumenarekin errespetuzko jarrera eta jokabideak hedatzea ikasleen artean.
  
  
• Kulturen arteko trukea bultzatzea, iritziak eztabaidatu eta trukatzea, lan-taldean aritzea eta informazio-teknologia berrien erabilera bultzatzea harreman pertsonalak eratzeko garaian.
  
  
• Gure lurraldearen kulturaz eta hizkuntza aberastasunaz jabetzea, hiru hizkuntza ofizialak sustatuta: euskara, frantzesa eta gaztelania.
  
  
• Etorkizuneko Euskal Eurohiriaren oinarriak eraikitzea.

Aurten ere bete ditu  lortu nahi genituen helburuak 2013.eko saioak, eta, parte hartzaile eta antolatzaile askoren  iritziz, guztiz arraskatatsua izan da.

Eskerrik asko parte hartu duzuen guztioi, eta, batez ere, gidari izan zen Sainte Marie Ikastetxeari!

Euskal Eurohiriak, Bihartean - Mugaz gaindiko Merkataritza Ganberak, Pirinio Atlantiarretako Kontseilu Nagusiak eta Gipuzkoako Foru Aldundiak, Enpresa ekimenari I. saria eman zuten, otsailaren 20ean. Pertsona ugari bildu zen Baionako Merkataritza Ganberan, eta bertan, mugaz gaindiko Interclustering-a aztertu zen.

Goizean, Rhin Behetik, Akitaniatik eta Euskaditik (Orkestra) etorritako adietuek bere mugaz gaindiko cluster-ei buruz hitz egin zuten. Ondoren, arratsaldeko sari banaketan, interclustering-i buruzko bizipenak eta aholkuak adierazi zituzten txostengileek bertaratutako pertsona ugariren aurrean. Amaitzeko, sariaren sortzailea den Clementine Lataillade andreak (Baionako Euskal Kostaldea-Adour Barrutiko Arteko Goi-eskola) EUROHIRIA SARIA eman zion Iban Lizarralde jaunari, C-EVOLO hiri-ekomugikortasuna proiektua saritzeko, eta, GIPUZKOA-PAYS BASQUE SARIA, AERODRONES AEROVISION lankidetzari, Philippe Forgeot jaunak ordezkatuta, itsasoa aztertzeko dronak proiektua saritzeko.

Orain dela 40 urte sortu zen aipatu aglomerazioa, eta Baiona-Donostia Euskal Eurohiria duela 20 urte.